Ar Ghéaga na gCrann Sailí

September 29, 2023 / No Comments

Aistritheoir: Deasún Breatnach
Bunteanga: Iodáilis
Bunteideal: Alle fronde dei salici
Údar: Salvatore Quasimodo
Céadfhoilsiú: Feasta, Nollaig 1986

Agus muide, cén chaoi a gcanfadh muid

agus buatais ghallda ar ár gcroí,

muid i measc na marbh tréigthe sna cearnóga

agus ar an bhféar crua le hoighir, muid ag éisteacht

le huanmhéileach na leanbh,

le duchscreadaíl na máthar atá

ag siúl i dtreo an mhic úd

céasta ar chuaille.

Ar ghéaga na gcrann sailí, mar íobairt,

bhí ár líreanna, fiú, crochta,

iad ag luascadh ag an ngaoth dhubhbhrónach.